WYSIWYG Web Builder
Рымска-каталіцкая парафія Унебаўзяцця Найсвяцейшай Панны Марыі ў Міёрах
Парафіяльныя аб'явы Літургічны каляндар Катэхеза Відэаматэрыялы Кантакты
Молімся разам з Папам: каб усе мелі доступ да ежы
У маі 2026 года Леў XIV запрашае маліцца аб дары адказнага стаўлення да ежы і аб тым, каб яна была даступнай кожнаму. Ён агучыў сваю інтэнцыю на бліжэйшы месяц у відэароліку Папскай сусветнай сеткі малітвы.
Святы Юзаф, рамеснік
1 мая Каталіцкі Касцёл адзначае свята святога Юзафа рамесніка, якое ў 1955 годзе ўстанавіў Папа Пій XII. Лічыцца, што гэта свята адлюстроўвае статус Юзафа як заступніка працоўных.
Памяці святара
30 красавіка 1985 года адышоў па ўзнагароду Пана ксёндз Ян Грабоўскі, які 28 гадоў свайго жыцця прысвяціў Мёрскай парафіі. Яго душпастырская дзейнасць выпала на часы ваяўнічага атэізму. Святар быў нявінна асуджаны, аднак не згубіў веру і годна рэалізаваў сваё пастырскае пакліканне.
Цярпліва слухаючая
Месяц май з даўніх часоў прысвечаны Марыі. Пагоднымі вечарамі, калі ўсё ў прыродзе квітнее, пахне і спявае, людзі збіраюцца ў святынях, ля прыдарожных крыжоў і капліц, каб ушанаваць Маці Божую. Штодзённае набажэнства ў Яе гонар на працягу мая з’яўляецца неад’емным элементам сустрэч вернікаў на малітве.
Па слядах святога Максімільяна Кольбэ
З 18 па 24 красавіка адбылася пілігрымка ў Польшчу па слядах святога Максімільяна Марыя Кольбэ, якую арганізавала супольнасць Viam Dei ("Божым шляхам"). Пілігрымка не толькі дала магчымасць адыйсці ад паўсядзённых клопатаў, але, найперш, паспрыяла духоўнаму ўзрастанню і культурнаму ўзбагачэнню вернікаў.
Новыя прызначэнні ў Міёрскім дэканаце
З 19 красавіка 2026 года распачаў працу ў якасці адміністратара парафіі Святой Тройцы ў Новым Пагосце і парафіі Святога Юзафа ў Барадзінічах айцец Уладзімір Лапацкі OCist. Святар паходзіць з парафіі Унебаўзяцця Найсвяцейшай Панны Марыі ў Міёрах.
Знайсці сапраўднае шчасце. Нядзеля Добрага Пастыра
У IV Велікодную нядзелю, якую Касцёл называе нядзеляй Добрага Пастыра, адзначаецца Сустветны дзень малітваў аб пакліканнях да святарства і манаскага жыцця. У гэты дзень мы асаблівым чынам праз малітву звяртаемся да Пана Бога, каб Ён з любоўю ўзглянуў на маладыя сэрцы і “адправіў работнікаў у Свой вінаграднік”.
Напярэдадні нядзелі Добрага Пастыра ў нашай святыні ўсталяваны вітраж цара Давіда
Цар Давід — другі цар народа Ізраэля, які быў не толькі ўмелым кіраўніком, але моцна любіў Бога і праслаўляў Яго сваімі спевамі. Кароль Ізраэля з'яўляецца аўтарам шэрагу псальмаў, ён граў на розных музычных інструментах, але найчасцей яго адлюстроўваюць з арфай у руках.
Ад Рыма да Найробі: стагоддзе Папы-тэолага яднае кантыненты
У свеце пачынаецца маштабная праграма да 100-годдзя з дня нараджэння Папы Бэнэдыкта XVI. Больш за дзесяць форумаў на чатырох кантынентах раскрыюць інтэлектуальную спадчыну Папы-тэолага.
16 красавіка — св. Марыя Бернардэта Субіру
Святая Марыя Бернардэта Субіру, ці як яе называлі дома, Бернадэта, нарадзілася 7 студзеня 1844 года ў французскіх Пірэнэях у беднай сем'і. Яна была слабой і хваравітай.  Неадукаваная, у 14 гадоў яна яшчэ не прыступіла да Першай Камуніі, хоць вельмі гэтага жадала. Аднак менавіта ёй аб'явілася Маці Божая ў Люрдзе ў 1858 годзе.
Рымска-каталіцкая парафія Унебаўзяцця Найсвяцейшай Панны Марыі
Адрас для карэспандэнцыі:

вул. Паштовая, д.11,
211287 г. Міёры
Віцебская вобласць
Тэлефон: +375 (2152) 41836
е-mail:kascelmery@gmail.com
Выкарыстанне матэрыялаў дазваляецца пры ўмове спасылкі (гiперспасылкi) на kascelmery.by