Над кантрастнасцю суседства ў літургіі Пальмовай нядзелі: урачыстага ўваходу Езуса Хрыста ў Ерузалем і Яго Мукі, праслаўлення і нянавісці, разважаў госць нашай парафіі канцлер Віцебскай дыяцэзіі ксёндз канонік Віктар Місевіч. "Разважаючы над істотнымі справамі нашага духоўнага жыцця і задумваючыся над словамі Евангелля, задаём сабе пытанне: што змянілася ў натоўпе, у чалавека ў сэрцы? А можа нічога не змянілася? Пытанні пра грэх, пра святасць, пра самааданасць, любоў і помсту заўсёды турбуюць сэрца чалавека. Вельмі часта святарам вернікі задаюць пытанне: чаму Бог дапускае войны, забойствы, несправядлівасць... Каб будаваць валадарства супакою, прабачэння і жыцця нам трэба парваць з грахом і запрасіць, каб Божая воля прысутнічала ў нашым жыцці."
