Пілігрымка распачалася святой Імшой а 8-ай гадзіне. У сваёй гаміліі, звяртаючыся да пілігрымаў, айцец Віктар Мялешка OFMConv засяродзіў увагу на словах псальма: "Пан — пастыр мой, не буду мець нястачы." (Пс 23 (22), 1). Вырушаючы ў пілігрымку ў экстрэмальна-пакутніцкім духу гэтыя словы павінны стаць для нас дэвізам.
<...> Адкрыем нашыя сэрцы на словы Езуса Хрыста: "Не клапаціцеся аб жыцці вашым, што есці і што піць, ні аб целе вашым, у што апрануцца. Шукайце найперш Валадарства Божага і справядлівасці Ягонай, а гэта ўсё дадасца вам. Таму не клапаціцеся аб заўтрашнім дні, бо заўтра само за сябе паклапоціцца." (Мц.6. 25,33,34) Не трэба баяцца тых выпрабаванняў і пакут, якія могуць сустрэцца ў нас на шляху. Нашай самай вялікай пакутай павінна стаць уласнае прызнанне, што я маю грэх. Але мы маем таксама і надзею, што праз сакрамант споведзі зноў станем дзецьмі Божымі."
