Новы мабільны дадатак «Ласка» — штодзённая іскрынка Божай ласкі ў вашай кішэні

Парафіяльныя аб'явы Літургічны каляндар Катэхеза Кантакты Відэаматэрыялы

Новы мабільны дадатак «Ласка» — штодзённая іскрынка Божай ласкі ў вашай кішэні

У нашым свеце, дзе так цяжка знайсці час для духоўнага ўзрастання, новы мабільны дадатак «Ласка» паклікана стаць пуцяводнай зоркай для ўсіх, хто шукае штодзённага суцяшэння і глыбокага роздуму над Божым словам. Запуск праграмы — 15 мая, калі былі апублікаваныя першыя разважанні.

Мабільны дадатак «Ласка» — гэта не проста праграма, гэта крыніца натхнення. Яе галоўная ідэя — падарыць карыстальнікам невялікую, але моцную «іскру ласкі», здольную перайначыць увесь дзень.

Што такое «Ласка»?

Праграма прапануе штодзённыя аўдыя- і тэкставыя разважанні над урыўкам з Евангелля, які чытаецца ў Касцёле ў адпаведны дзень. Гэтыя разважанні, падрыхтаваныя беларускімі святарамі і старанна апрацаваныя рэдактарамі, скіраваныя на тое, каб дапамагчы вернікам глыбей прасякнуцца сэнсам Евангелля. Кожныя два тыдні над кантэнтам працуе іншы святар, што забяспечвае свежы погляд і разнастайнасць падыходаў.

Асноўныя адметнасці і перавагі

«Ласка» распрацаваная для платформ iOS і Android і забяспечвае імгненны доступ да «духоўнага» кантэнту ў любы час. Інтэрфейс праграмы максімальна просты і інтуітыўна зразумелы: усяго два клікі аддзяляюць карыстальніка ад штодзённага разважання над Божым словам.

Праграма прапануе двухмоўны кантэнт: разважанні даступныя на беларускай і рускай мовах, а ў будучыні плануецца пашырэнне на англійскую, іспанскую і мовы тых краін, дзе існуе зацікаўленасць у падобных праектах сярод каталіцкай аўдыторыі.

«Ласка» арыентавана выключна на выбудоўванне асабістых стасункаў з Хрыстом праз разважанні над Яго Словам. Праграма прапануе толькі самае неабходнае: выбар мовы, памер шрыфту, светлая / цёмная тэма — нічога лішняга.

7 хвілінаў штодзённага разважання — нібыта напіцца з калодзежа, які спатоліць духоўную прагу, дапаможа стаць больш свядомым чалавекам і ў рэшце рэшт больш якасна пражыць сваё жыццё. Пры карыстанні гэтай праграмай чалавек дакладна нічога не страціць, а атрымае неймаверна шмат.

У праграме забяспечаны бясплатны доступ і падтрымка: усім асноўным кантэнтам «Ласкі» можна карыстацца абсалютна бясплатна. Развіццё і падтрымка высокай якасці праграмы будуць ажыццяўляцца за кошт дабравольных ахвяраванняў і данатаў.

Патэнцыял і будучыня

Нягледзячы на тое, што «Ласка» служыць духоўнаму ўзрастанню, яна імкнецца натхняць карыстальнікаў на далейшае распаўсюджванне Божай ласкі. Гэтая праграма можа стаць выдатным памочнікам для ўсіх, хто хоча весці асабістыя блогі, дзяліцца сваімі адкрыццямі ў сацыяльных сетках ці нават для святароў падчас падрыхтоўкі казання.

У перспектыве дадатак «Ласка» будзе пашыраць кантэнт. Напрыклад, ёсць план змясціць Святы Ружанец з аўдыясуправаджэннем, а таксама іншыя простыя і глыбокія малітвы, даступныя ў тэлефоне для любога выпадку ў аўдыяфармаце.

Распрацоўшчыкі мараць, што гэтая праграма зробіць шлях для Божай ласкі як мага больш шырокім у жыцці кожнага чалавека і дапаможа людзям наблізіцца да Пана, пазнаёміцца бліжэй з асобай Хрыста, што ў выніку можа паўплываць на выратаванне душы.

Далучайцеся да «Ласкі» і дазвольце гэтай невялічкай іскры напоўніць ваш дзень новым сэнсам!

Спампаваць мабільны дадатак можна на афіцыйным сайце www.laska.mobi.

Кантактная інфармацыя:

+37525 606 27 88 — Вольга Адамовіч

Telegram: @raskachalka

Сatholic.by