Памаліліся на могілка. Бог не ёсць Богам мёртвых, а жывых

Парафіяльныя аб'явы Літургічны каляндар Катэхеза Кантакты Відэаматэрыялы

"Бог не ёсць Богам мёртвых, а жывых" Мц 22,32

Напярэдадні ўрачыстасці Усіх Святых 30 кастрычніка адбыліся набажэнствы за памерлых на гарадскіх могілках. Традыцыйна маліліся за духавенства, бацькоў, родных, сваякоў і дабрадзеяў, за ахвяраў войнаў і загінуўшых у катастрофах, за ўсе душы, якія церцяць у чыстцы.

Малітва на старых парафіяльных могілках распачаліся а 10-ай гадзіне. На пачатку ксёндз-пробашч Андрэй Кулік звярнуўся да прысутных: "Збіраючыся сёння на парафіяльных могілках хочам памаліцца за нашых родных і блізкіх, якія адышлі ў вечнасць. Знаходзячыся ля магілы ксяндза Яна Грабоўскага, святара, які зрабіў вялікі ўнёсак у развіццё нашай парафііяльнай супольнасці, захаванне веры і парафіяльнай святыні, хочам скласці знак пашаны і памаліцца, дзякуючы Богу, за такіх адданых людзей... Божай Міласэрнасці давяраем усіх, хто адышоў у вечнасць без прыняцця сакрамантаў." Пасля набажэнства святар асвяціў магілы і новыя помнікі.

Набажэнства за памерлых на новых парафільных могілках распачалося святой Імшой. У сваёй гаміліі ксёндз-вікарый Аляксандр Дулінец узгадаў словы Хрыста: "А пра ўваскрашэнне памерлых хіба вы не чыталі сказанага вам ад Бога: "Я Бог Абрагама, Бог Ісаака і Бог Якуба"? Бог не ёсць Богам мёртвых, а жывых." (Мц 22, 31-32) Чытаючы выпамінкі, угадваючы родных і блізкіх, якія адышлі ў вечнасці, спадзеючыся на Божую Міласэрнасць, мы верым у тое, што яны атрымоўваюць узнагароду ад Пана, што Бог прызнаў іх годнымі сябе і яны спачываюць у супакоі. Мы ўсё жыццё да гэтага імкнёмся: чуваць у супакоі разам з Панам Богам..."

Пасля Імшы адбылася працэсія, якая традыцыйна складалася з пяці стацый. На кожнай з іх чыталіся малітва за памерлых: І стацыя — за духавенства, ІІ стацыя — за бацькоў і продкаў, ІІІ стацыя — за сваякоў і дабрадзеяў, IV стацыя — за ахвяраў войнаў і загінуўшых у катастрофах, V стацыя — за ўсіх памерлых і за душы, якія церпяць у чыстцы.

Жанна Закрэўская, тэкст, фота.