Свята Маці Божай Фацімскскай

Парафіяльныя аб'явы Літургічны каляндар Катэхеза Кантакты Відэаматэрыялы

Свята Маці Божай Фацімскскай

108 гадоў назад 13 мая 1917 года непадалёк ад маленькай партугальскай вёскі Фаціма тром маленькім пастушкам Люцыі, Жасінце і Францішку з’явілася Маці Божая. Панна Марыя аб’яўлялася дзецям кожны 13 дзень месяца на працягу паўгода. Праз дзяцей Божая Маці накіравала пасланне свету, прадказала гісторыю чалавецтва ў ХХ стагоддзі, пераслед касцёла, яго адраджэнне.

Яна заклікала людзей да пакаяння і навяртання, да штодзённай малітвы на ружанцы і прысвячэння кожнага з нас яе Беззаганнаму Сэрцу.

Аб’яўленні Маці Божай садзейнічалі прыцягненню вялікай колькасці пілігрымаў у Партугалію. Сёння Фаціма – гэта месца, якое штогод наведваюць мільёны людзей з усяго свету, каб пакланіцца Маці Божай Фацімскай і выпрасіць у яе патрэбную дапамогу сабе і сваім блізкім.

У рамках святкавання 100-годдзя аб’яўленняў, мне пашанцавала наведаць Фаціму ў складзе беларускай нацыянальнай пілігрымкі, якую ўзначаліў арцыбіскуп Тадэвуш Кандрусевіч. Уражанні ад перажытага жывыя і сёння.

Наша знаёмства з Фацімай распачалося з начнога малітоўнага чування, у якім удзельнічала некалькі дзясяткаў тысяч вернікаў з усяго свету. Людзі розных нацыянальнасцей, трымаючы ў руках запаленыя свечкі, разам спявалі гімны Марыі і маліліся на ружанцы. Панаваў узнёслы і радасны настрой. Зусім незнаёмыя людзі ўсміхаліся адзін аднаму і адначасова плакалі, калі фігуру Маці Божай праносілі побач. Перадаць усю атмасферу падзей не магчыма.

На наступны дзень 13 ліпеня – дзень трэціх аб’яўленняў Маці Божай – адбылася галоўная святая Імша. Больш за 30 біскупаў і каля 500 святароў пад спякотным сонцам цэлебравалі святую Імшу на плошчы перад базылікай Маці Божай Ружанцовай.

Пасля Эўхарыстыі на чале з ацыбіскупам Тадэвушам Кандрусевічам мы прайшлі Дарогай Крыжовай, стацыі якой устаноўлены ў старым аліўным садзе непадалёк ад месца аб’яўленняў. Пераходзячы ад стацыі да стацыі і разважаючы над мукамі Хрыста, мы перапрашалі за ўласныя грахі, маліліся за сябе, сваіх родных і блізкіх, за Бацькаўшчыну і за ўвесь свет.

У 1945 годзе ўзнікла ідэя перэгрынацыі. Адразу пасля заканчэння Другой сусветнай вайны, калі святар з Берліна прапанаваў, каб фігура Маці Божай Фацімскай пабывала ва ўсіх сталіцах і біскупскіх гарадах Еўропы ажно да мяжы з Савецкім Саюзам. Гэтая ідэя была падтрымана люксембуржскай Міжнароднай радай каталіцкай моладзі, якая ўключылася ў ажыццяўленне задумы. У 1947 годзе фігура Багародзіцы была ўрачыста каранавана і пачала пілігрымаваць па свеце, несучы людзям пасланне любові і міру.

У жніўні 1998 года фігура Маці Божай Фацімскай упершыню наведала Мёры. Дзякуючы відэазапісам Баляслава Чарняўскага мы можам нанова перажыць гэту важную для нашай парафіі падзею.

Жанна Закрэўская

Абноўлена 12.05.2025