У сваёй гаміліі, захапляючыся выглядам нашай святыні, асабліва вітражоў, якія ўпрыгожваюць яе алтарную частку, доктар біблійнай тэалогіі ксёндз Сяргей Сурыновіч адзначыў: "Марыя з'яўляецца нашым духоўным вітражом, які напаўняе нас глыбока ўнутры, напаўняе нашыя сэрцы, нашыя душы святлом Боскім. Ад самай хвіліны Звеставання Марыя мела ўдзел у жыцці і дзейнасці Хрыста.<...>"
"<...> Наш позіркі сёння асаблівым чынам кіруецца да Найсвяцейшай Панны Марыі Унебаўзятай: "Марыя, будзь нам прытулкам у надзеі. Ласкава паглядзі на сабраны тут верны народ, сярод якога людзі, якія прагнуць цябе, прагнуць твайго мацярынства. А таксама кожны, хто знаходзіцца на скрыжаванні дарог, не ведае, якой пайсці, каб з аднаго боку быць дастаткова сучасным чалавекам, карыстацца сучаснымі дабротамі, а з іншага — захоўваць сваю хрысціянскую тоеснасць, вернасць Касцёлу, вернасць Богу, шануючы Найсвяцейшую Панну Марыю".
