Можа, на першы погляд, словы "перамяніць свет" гучаць крыху пафасна, аднак праз супольную адарацыю мы не толькі самі ўзрастаем у веры, але і прыцягваем іншых да Бога. Кс.Юрый Дрозд у артыкуле "Адарацыя Найсвяцейшага Сакраманту" заўважае: "Адарацыя мае вялікае значэнне для вернікаў. Праз гэты пабожны акт яны спрычыняюцца да радыкальнай перамены свету і да таго, каб Евангелле прыносіла багаты плён. Кожны чалавек, дзякуючы ўдзелу ў адарацыі, трывае ў Хрысце і Яго любові. Той, хто моліцца перад Святымі Дарамі, ніколі не адзінокі. Разам з ім моліцца Хрыстус і ўвесь Касцёл. Адарацыя – гэта рэальная магчымасць адчуць, што Бог кожнага з нас вельмі любіць".
