Віншаванні святароў

Парафіяльныя аб'явы Літургічны каляндар Катэхеза Відэаматэрыялы Кантакты

Вялікая таямніца веры

У Вялікі чацвер падчас Апошняй Вячэры Пан Езус устанаўлівае сакрамэнт Эўхарыстыі і Святарства. "У часе святой Імшы пасля перамянення святар прамаўляе словы: Mysterium fidei, «Гэта вялікая таямніца веры». Словы гэтыя адносяцца, зразумела, да Эўхарыстыі, але якімсьці чынам адносяцца таксама і да святарства. Бо няма Эўхарыстыі без святарства, як і не існуе святарства без Эўхарыстыі " (св.Ян Павел ІІ).

"Святарства — не прафесія, гэта стыль жыцця, крыніца якога знаходзіцца ў лоне Найсвяцейшай Тройцы. Пан Бог з мільёнаў мужчынаў выбірае і кліча менавіта тых, каго сам жадае. «Не вы Мяне выбралі, але Я выбраў вас і прызначыў, каб вы ішлі і прыносілі плён, і каб плён ваш трываў. Каб Айцец даў вам тое, чаго толькі папросіце ў імя Маё» (Ян 15, 16). Якія крытэрыі Божага выбару? Не ведае ніхто. Відавочна толькі тое, што Пан Бог не глядзіць так, як глядзіць чалавек, таму што чалавек глядзіць на твар і бачыць знешняе, а Пан глядзіць на сэрца і ўваходзіць у патаемнае. Сэрца — вось крытэрый, па якім выбірае Пан Бог святара" (с. Нунэ Цітаян MSF).

Шаноўны ксёндз-пробашч Андрэй, святары Мёрскага дэканату!

У дзень устанаўлення сакрамантаў Эўхарыстыі і Святарства хочам перад усім падзякаваць Вам за Ваша ахвярнае служэнне, за ўдзяленне святых сакрамантаў і душпастырскую апеку. Жадаем Вам шчодрых дароў Духа Святога для далейшага абвяшчэння Божага Слова. Хай Вашае сэрца будзе поўным любові, чуласці і спагады да тых, хто патрабуе Вашай святарскай падтрымкі. Жадаем Вам сілы быць вернымі вучэнню Хрыста, упартасці і пастаянства ў барацьбе з перашкодамі, якія паўстаюць на жыццёвым шляху. Хай Ваша руплівасць на ніве Пана прыносіць шчодры плён, а душа напаўняецца шчасцем і супакоем. Няхай Езус Хрыстус, Найвышэйшы і Вечны Святар, спасылае Вам неабходныя дары і ласкі, а Найсвяцейшая Дзева Марыя штодня абараняе Вас.